ရန်ကုန်မြို့မှဒလသို့ ပြေးဆွဲနေသည့် YBS ယာဉ်များ မထွက်ခွာခင် သေချာစွာစစ်ဆေးရမည်

ရန်ကုန်မြို့မှ ဒလမြို့သို့ပြေးဆွဲနေသည့် YBS ယာဉ်များ မထွက်ခွာခင် သေချာစွာစစ်ဆေးရန် ရန်ကုန်တိုင်းဒေသကြီးဝန်ကြီးချုပ်က ညွှန်ကြားထားကြောင်း YRTC မှ သိရသည်။ဒလတိုးဂိတ်၌ YBS ယာဉ်ပေါ်မှ ကလေးငယ်တစ်ဦးပြုတ်ကျ‌ေ-သဆုံးပြီးနောက်ပိုင်း ယင်းကဲ့သို့ ညွှန်ကြားခဲ့ခြင်းဖြစ်ကြောင်း သိရသည်။ဖေဖော်ဝါရီ ၂၃ ရက်ညနေပိုင်းက ဒလတိုးဂိတ်၌ YBS ယာဉ်ပေါ်က‌ ကလေးငယ်တစ်ဦး ပြုတ်ကျ‌ေ-သဆုံးခဲ့ကြောင်း၊ အဆိုပါကလေးငယ်သည် အသက် (၅) နှစ်သာရှိသေးပြီး အဒေါ်ဖြစ်သူနှင့် ရန်ကုန်ဘက် ဝါဖြေရန်သွားရောက်ပြီး အပြန်တွင် ဖြစ်ပွားခဲ့ခြင်းဖြစ်ကြောင်း သိရသည်။‌ေ-သဆုံးသွားသည့်ကလေးငယ်အတွက် သက်ဆိုင်ရာယဉ်လိုင်းကုမ္ပဏီမှ လျော်ကြေးငွေပေးသွားမည်ဖြစ်ပြီး ယာဉ်မောင်းကိုလည်း အရေးယူဆောင်ရွက်ထားကြောင်း သိရသည်။ရန်ကုန်မြို့မှ ဒလမြို့သို့ YBS ယာဉ်အစီးရေ ၃၀ ဖြင့် ပြေးဆွဲပေးနေခြင်းဖြစ်သည်။