မြန်မာနိုင်ငံ ရွှေကုက္ကိုလ်မြို့မှ မဲဆောက်မြို့အတွင်းသို့ ဝင်ရောက်လာသည့် တရုတ်နိုင်ငံသား ၂၀ ဦးကို ဖမ်းမိ

ဖေဖော်ဝရီလ ၂၃ ရက် နံနက်ပိုင်းက မြန်မာနိုင်ငံ ရွှေကုက္ကိုလ်မြို့မှ ထွက်ပြေးလာပြီး ထိုင်းနိုင်ငံ၊ တာ့ခ်ခရိုင်၊ မဲဆောက်မြို့အတွင်းသို့ ဝင်ရောက်လာသည့် တရုတ်နိုင်ငံသား ၂၀ ကို ဖမ်းဆီးရမိခဲ့ကြောင်း ထိုင်းအာဏာပိုင်များက သတင်းထုတ်ပြန်ထသည်။၎င်းတို့အားလုံးသည် တရားဝင်ခွင့်ပြုထားခြင်းမရှိသည့် သဘာဝနယ်စပ်လမ်းကြောင်းမှ တစ်ဆင့် နိုင်ငံအတွင်းသို့ ဝင်ရောက်ခြင်း၊ တရားမဝင် နေထိုင်ခြင်းတို့ကြောင့် ဥပဒေချိုးဖောက်မှုဖြင့် အရေးယူခံရမည်ဖြစ်ပြီး ဖမ်းဆီးရမိသူများကို ဥပဒေအရ အရေးယူဆောင်ရွက်မှုများ ပြုလုပ်နိုင်ရန် တာ့ခ်ခရိုင် လူဝင်မှုကြီးကြပ်ရေး အရာရှိများထံ လွှဲပြောင်းပေးအပ်ခဲ့ကြောင်း သိရသည်။