ဘိုင်ယန်မြူးနစ်အသင်းဟာ ပြီးခဲ့တဲ့အပတ်က ဝါဒါဘရီမင်နဲ့ပွဲမှာ ကစားသမားဘ၀ ဂိုး ၅၀၀ ပြည့်ခဲ့တဲ့ တိုက်စစ်မှူး ဟာရီကိန်းကို ဖရန့်ဖတ်နဲ့ ပွဲမစခင်
ဂုဏ်ပြုပွဲ ပြုလုပ်ပေးခဲ့ပါတယ်။ဟာရီကိန်းဟာ ဝါဒါဘရီမင်ကို ၃-၂ ဂိုးနဲ့ အနိုင်ရတဲ့
ပွဲမှာ ကစားသမားဘ၀ ၄၉၉ ဂိုးနဲ့ ဂိုး ၅၀၀ မြောက်တွေ သွင်းယူခဲ့တာဖြစ်တယ်။၎င်းရဲ့သွင်းဂိုး ၅၀၀ မှာ စပါးအတွက် ဂိုး ၂၈၀၊
ဘိုင်ယန်အတွက် ၁၂၆ ဂိုး၊ အင်္ဂလန်လက်ရွေးစင်အတွက် ၇၈ ဂိုး၊ မီဝေါလ်အတွက် ကိုးဂိုး၊လေတန်အတွက် ငါးဂိုး၊ လက်စတာအတွက် ၂ ဂိုး ရှိခဲ့ပါတယ်။ဟာရီကိန်း(၃၂ နှစ်)အနေနဲ့ ဖရန့်ဖတ်ကို ၃-၂ ဂိုးနဲ့ အနိုင်ရတဲ့ပွဲမှာလည်း နှစ်ဂိုးထပ်သွင်းခဲ့လို့ စုစုပေါင်း ၅၀၂ ဂိုးအထိ ရှိလာခဲ့ပါတယ်။၎င်းဟာ ဘိုင်ယန်အသင်းကို ၂၀၂၃ နွေရာသီမှာ ရောက်လာပြီးကတည်းက ပြိုင်ပွဲစုံ ၁၂၈ ဂိုး သွင်းယူထားပါတယ်။အခုရာသီမှာတော့ ပြိုင်ပွဲစုံ သွင်းဂိုးစုစုပေါင်း ၄၃ ဂိုးအထိ ရှိနေခဲ့ပြီဖြစ်ပါတယ်။
