ကယန်းအမျိုးသားပညာရေးကော်မတီ ကျောင်းပြင်ပ ပညာရေး အရည်အချင်းစစ် စာမေးပွဲ ယနေ့ စတင်ပြီဖြစ်

ကယားပြည်နယ်၊ကယန်းအမျိုးသားပညာရေးကော်မတီ(KNEC)၊ ၂၀၂၅-၂၀၂၆ ပညာသင်နှစ်၊ ဒုတိယအကြိမ် ကျောင်းပြင်ပ ပညာရေးအတွက် အရည်အချင်းစစ် စာမေးပွဲကို ယနေ့ ဖေဖော်ဝါရီလ (၂၃)ရက်နေ့မှ (၂၈)ရက်နေ့အထိ ပြုလုပ်မည်ဖြစ်ကြောင်း KNEC က အသိပေးကြေညာထားသည်။အဆိုပါ စာမေးပွဲကို နံနက် (၉)နာရီအချိန်တိုင်း ကယန်းအမျိုးသားပညာရေးတက္ကသိုလ်တွင် ဖြေဆိုရမည်ဖြစ်ကြောင်း ဖော်ပြထားသည်။KNEC သည် ကယန်းဒေသအတွင်း အကြောင်းအမျိုးမျိုးကြောင့် ပညာသင်ကြားခွင့် ဆုံးရှုံးနေသူများ အခွင့်အလမ်းရရှိရန်၊ အလုပ်အကိုင်အခွင့်အလမ်းများနှင့် ဆုံးရှုံးခဲ့ရသော အနာဂတ်မျှော်လင့်ချက်များအတွက် ပြန်လည်ပြင်ဆင်နိုင်ရန်၊ အခြေခံပညာရေးတွင် ရလာဒ်နည်း၍ တက်ရောက်လိုသည့် တက္ကသိုလ် စံသတ်မှတ်ချက်များ ပြည့်မီရန် ပြန်လည်ကုစားခြင်းဖြင့် အဆင့်မြင့်ပညာရေးဆက်လက်တက်လှမ်းနိုင်ရန် ရည်ရွယ်၍ ကျောင်းပြင်ပ ပညာရေး အစီအစဥ်ကို ပြုလုပ်ခဲ့ခြင်းဖြစ်သည်။