နေပြည်တော်၌ မိုင်းဖုန်းဆရာတော် တရားပွဲ ကျင်းပမည်

မိုင်းဖုန်းဆရာတော် (ဘဒ္ဒန္တဉာဏသံဝရ)၏ သာသနာပြုခရီးစဉ်ကို ပြီးခဲ့သည့် ဖေဖော်ဝါရီ ၂ ရက်မှ စတင်ခဲ့ရာ ယနေ့ နေပြည်တော်ရှိ Royal President Hotel ခန်းမတွင် တရားပွဲ ကျင်းပသွားမည်ဖြစ်ကြောင်း သိရသည်။ နေပြည်တော်၌ နှစ်ညတည်းခိုပြီးနောက် ဆက်လက်၍ ရန်ကုန်သို့ ကြွမည်ဖြစ်ကြောင်း မိုင်းဖော်ဆရာတော်၏ သတင်းများကို ဖော်ပြပေးနေသည့် ဆရာတော်က လူမှုကွန်ရက်တွင် ရေးသားထားသည်။ ဖေဖော်ဝါရီလ သာသနာပြုခရီးစဉ်အတွင်း ရှမ်းပြည်နယ်တောင်ပိုင်းရှိ မိုင်းပန်မြို့၊ ကွန်ဟိန်း၊ မိုင်းနောင်၊ မိုင်းရှူး၊ တန့်ယန်း၊ ကျေးသီး၊ မိုင်းကိုင်၊ ပင်လုံ၊ တောင်ကြီးမြို့များနှင့် ပုဂံ၊ နေပြည်တော်၊ ရန်ကုန်မြို့များသို့ ကြွရောက်မည်ဖြစ်ကြောင်း သိရသည်။