လာမည့် ပညာသင်နှစ်တွင် အလယ်တန်းအဆင့် ကျောင်းသားများကို စက်မှု၊စိုက်ပျိုး၊မွေးမြူရေးဘာသာရပ်များ သင်ကြားနိုင်ရန် သင်ရိုးရေးဆွဲနေ

လာမည့် ဇွန်လတွင် စတင်မည့် ပညာသင်နှစ်မှစ၍ Grade-6 မှ Grade-9 အထိ အလယ်တန်းဆင့် ကျောင်းသား၊ ကျောင်းသူများကို စက်မှု၊ စိုက်ပျိုးရေးနှင့် မွေးမြူရေးဘာသာရပ်များ သင်ကြားပေးနိုင်ရန် သင်ရိုးများ ပြန်လည်ရေးဆွဲလျက်ရှိကြောင်း ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာချောချောစိန်က ပြောကြားသည်။ ပုသိမ်မြို့ရှိ ပညာရေးဝန်ထမ်းများနှင့် တွေ့ဆုံစဉ် ဝန်ကြီးက ထည့်သွင်းပြောကြားခဲ့ခြင်းဖြစ်ပြီး အဆိုပါဘာသာရပ်များကို သင်ကြားနိုင်ရန်အတွက် သက်ဆိုင်ရာကဏ္ဍအလိုက် ကျွမ်းကျင်သူများက အလယ်တန်းပြဆရာ၊ ဆရာမများကို ဆင့်ပွားသင်တန်းများ ပြန်လည်ပို့ချပေးသွားမည်ဖြစ်ကြောင်း သိရသည်။