ရှမ်းပြည်နယ်၊လားရှိုးကနေ နမ္မတူဘက် စက်သုံးဆီ တင်သွင်းခွင့်ကို ပိတ်လိုက်ပြီဟုဆို

ရှမ်းပြည်နယ်၊ လားရှိုးမြို့ပြင်ကနေ နမ္မတူဘက်ကို စက်သုံးဆီတင်တဲ့ကားတွေကို ကိုးကန့်တပ်က မနေ့ ဖေဖော်ဝါရီ ၂၁ ရက်ကစပြီး ဖြတ်သန်းခွင့် မပြုတော့ဘူးလို့ ကြုံခဲ့ရတဲ့ ကားသမားတစ်ဦးက ပြောပါတယ်။လားရှိုးမြို့ပြင် အီနိုင်းရွာရှိ အီနိုင်းတံတားမှာ စစ်ဆေးတင်းကျပ်နေပြီး နမ္မတူဘက်သွားမဲ့ ကုန်တင်ကားတွေကို အခြေအနေမကောင်းတာကြောင့် ဖြတ်သန်းခွင့်မပေးဘူးလို့ ကိုယ်တိုင်ကြုံခဲ့ရတဲ့ အထက်ပါ ကားသမားက ပြောပါတယ်။