အမေရိကန်သမ္မတ ဒေါ်နယ်ထရမ့်ပ်သည် ဖေဖော်ဝါရီလ ၂၀ ရက်နေ့တွင် ဗီယက်နမ်ခေါင်းဆောင် တိုလမ်နှင့် တွေ့ဆုံခဲ့ပြီး ဟနွိုင်ကို အမေရိက၏ အဆင့်မြင့်နည်းပညာများကို လက်လှမ်းမီ ရယူခွင့်အား ကန့်သတ်ထားသော နိုင်ငံများစာရင်းမှ ပယ်ဖျ-က်ရန် လုပ်ဆောင်သွားမည်ဟု ပြောကြားခဲ့ကြောင်း ဗီယက်နမ်အစိုးရ သတင်းဝက်ဘ်ဆိုက်ပေါ်တင်ခဲ့သော ဆွေးနွေးပွဲအကျဉ်းချုပ်ပို့စ်တွင် ဖော်ပြခဲ့သည်။ ဗီယက်နမ်၏ အာဏာရ ကွန်မြူနစ်ပါတီခေါင်းဆောင်သည် ဝါရှင်တန်တွင် ပြုလုပ်သည့် ငြိမ်းချမ်းရေးဘုတ်အဖွဲ့၏ ပထမဆုံးအစည်းအဝေးကို တက်ရောက်ခဲ့ပြီးနောက်တွင် ခေါင်းဆောင်နှစ်ဦးအကြား ပထမဆုံးအကြိမ် အိမ်ဖြူတော်၌ တရားဝင်လူချင်းတွေ့ဆုံခဲ့သည်။
