မကွေးတိုင်းဒေသကြီးအတွင်း တက္ကသိုလ်ဝင် စာမေးပွဲဖြေမည့် ကျောင်းသား/ကျောင်းသူ နှစ်သောင်းကျော်ရှိ

မကွေးတိုင်းဒေသကြီးအတွင်း လာမည့် မတ်လ ၁၁ ရက်မှ ၁၇ ရက်အထိ ကျင်းပမည့် ၂၀၂၆ ခုနှစ် တက္ကသိုလ်ဝင်စာမေးပွဲကို ဖြေဆိုမည့် ကျောင်းသား၊ ကျောင်းသူ ၂၂,၀၀၀ ကျော်ရှိသဖြင့် တိုင်းဒေသကြီးအစိုးရအဖွဲ့က စာစစ်ဌာန ၅၂ ခု ဖွင့်လှစ်ပြင်ဆင်ထားကြောင်း သိရသည်။ ထို့ပြင် ကျောင်းသား၊ ကျောင်းသူများ၏ အောင်ချက်မြင့်မားစေရန်အတွက် တက္ကသိုလ်ဆရာ၊ ဆရာမများက ဘာသာရပ်ဆိုင်ရာများကို အွန်လိုင်းမှတစ်ဆင့် သုံးရက်ကြာ ဆွေးနွေးပို့ချပေးသည့် အစီအစဉ်ကိုလည်း တိုင်းအစိုးရ၏ စီစဉ်မှုဖြင့် ဆောင်ရွက်ပေးလျက်ရှိကြောင်း သိရသည်။