စင်ကာပူနိုင်ငံ၊ Bugis အရပ်ရှိ Waterloo Street တွင် တရုတ်နှစ်သစ်ကူးကာလအတွင်း ပြည်ပမှလာရောက်သည့် သင်္ကန်းဝတ်ဆင်ထားသူတစ်စုက ဆွမ်းမခံဘဲ ငွေကြေးသက်သက် လိုက်လံတောင်းခံနေမှုကြောင့် အများပြည်သူနှင့် အငြင်းပွားမှုများဖြစ်ပွားကာ ရဲတပ်ဖွဲ့က လာရောက်လူစုခွဲခဲ့ရကြောင်း သိရသည်။ အဆိုပါပုဂ္ဂိုလ်များသည် သတင်းထောက်များ၏ မေးမြန်းမှုကို ရှောင်လွှဲရန် လာဘ်ထိုးရန်ကြိုးစားခြင်းနှင့် ထွက်ပြေးခြင်းများ ပြုလုပ်ခဲ့ကြပြီး၊ စင်ကာပူဗုဒ္ဓဘာသာအဖွဲ့ချုပ်နှင့် Palelai ဘုန်းတော်ကြီးကျောင်းတို့ကလည်း သံဃာတော်များအနေဖြင့် လမ်းပေါ်တွင် အလှူငွေလိုက်လံတောင်းခံလေ့မရှိကြောင်းနှင့် အလှူခံရာတွင် တရားဝင်ခွင့်ပြုချက် (Permit) လိုအပ်ကြောင်း ရှင်းလင်းထားရာ၊ အလှူရှင်များအနေဖြင့် ဘာသာရေးကို ခုတုံးလုပ်သည့် လိမ်လည်မှုများအား သတိပြုကြရန် တိုက်တွန်းထားပါသည်။
