ဆိုရှယ်မီဒီယာများ၏ ကလေးသူငယ်များအပေါ် သက်ရောက်မှုဆိုင်ရာ သမိုင်းဝင်တရားခွင်တွင် Meta စီအီးအို မာ့ခ်ဇူကာဘတ် စစ်ဆေးခံရ

Meta စီအီးအို မာ့ခ်ဇူကာဘတ်သည် Instagram အပါအဝင် ဆိုရှယ်မီဒီယာများကို လူငယ်များ စွဲလမ်းစေရန် ရည်ရွယ်ချက်ရှိရှိ ဒီဇိုင်းထုတ်ထားခြင်း ရှိ၊ မရှိနှင့် ပတ်သက်၍ လော့စ်အိန်ဂျလိစ်တရားရုံးတွင် ၅ နာရီကျော်ကြာ စစ်ဆေးမေးမြန်းခံခဲ့ရသည်။ ၎င်းက လူငယ်များ၏ ဘေးကင်းရေးကို စနစ်တကျ ကိုင်တွယ်ထားကြောင်း ထွက်ဆိုခဲ့သော်လည်း တရားရုံးသို့ ရောက်ရှိလာသည့် မိဘများကမူ ကုမ္ပဏီသည် အမြတ်အစွန်းအတွက် ကလေးသူငယ်များကို သားကောင်ဖြစ်အောင် ပြုလုပ်ခဲ့သည်ဟု ပြစ်တင်ပြောဆိုခဲ့ကြသည်။ "Kaley" အမည်ရှိ အမျိုးသမီးငယ်၏ စွဲချက်ဖြင့် စတင်ခဲ့သည့် ဤစံပြအမှုတွင် အကယ်၍ Meta ရှုံးနိမ့်ခဲ့ပါက ဒေါ်လာဘီလီယံနှင့်ချီသော နစ်နာကြေးများ ပေးလျော်ရမည့်အပြင် ဆိုရှယ်မီဒီယာများ၏ လုပ်ဆောင်ချက်ပုံစံများကိုလည်း မဖြစ်မနေ ပြောင်းလဲရတော့မည် ဖြစ်သည်။