ထိုင်းနိုင်ငံ၊ စမွတ်စခွန်ခရိုင် မဟာချိုင်ဒေသတွင် မြန်မာအမျိုးသမီးတစ်ဦးသည် တံတားပေါ်က ခုန်ချ၍ သေဆုံးသွားကြောင်း ထိုင်းသတင်းဌာနများတွင် ဖော်ပြသည်။ ဖေဖော်ဝါရီလ ၁၇ ရက်နေ့ ညက မြန်မာအမျိုးသမီးတစ်ဦးသည် မဟာချိုင်ဒေသ ထာ့ချလုံဆိပ်ခံတံတားပေါ်က ထာ့ချင်းမြစ်ထဲသို့ ခုန်ချခဲ့သဖြင့် စမွတ်စခွန်ကယ်ဆယ်ရေးအဖွဲ့များက ညလုံးပေါက် ရှာဖွေခဲ့ကြကြောင်း သိရသည်။ ခုန်ချသူသည် အသက် ၄၆ နှစ်အရွယ် မခင်မိုးလွင်ဖြစ်ပြီး ယနေ့ နံနက် ၈ နာရီခန့်တွင် အလောင်းကို ရေပေါ်တွင် ပြန်တွေ့ရှိခဲ့ကြောင်း သတင်းများအရသိရသည်။ လက်ရှိတွင် မြန်မာအမျိုးသမီး မြစ်ထဲ ခုန်ချခဲ့သည့် အကြောင်းအရင်းကို မသိရသေးဘဲ မိမိကိုယ်ကို အဆုံးစီရင်မှုဟု ကနဦး သတ်မှတ်ထားကြောင်း သတင်းတွင် ဖော်ပြသည်။
