၂၀၂၆ ခုနှစ် ဖေဖော်ဝါရီလ ၁၈ ရက်နေ့မှာ ထိုင်းနိုင်ငံ မှုခင်းနှိမ်နင်းရေးတပ်ဖွဲ့ (CSD) နဲ့ အစားအသောက်နဲ့ ဆေးဝါးကွပ်ကဲရေးဦးစီးဌာန (FDA) တို့ ပူးပေါင်းပြီး တရားမဝင် တရုတ် အမျိုးသမီးလစဉ်သုံးပစ္စည်းတွေ သိုလှောင်ဖြန့်ချိတဲ့ ဂိုဒေါင်တွေကို ဝင်ရောက်စီးနင်းခဲ့ကြောင်း သတင်းစာရှင်းလင်းပွဲ ပြုလုပ်ခဲ့ပါတယ်။ မှတ်ပုံမတင်ထားတဲ့အပြင် တံဆိပ်အမှားတွေ တပ်ထားတဲ့ ဘတ်ငွေ သန်း ၂၀ ကျော် တန်ဖိုးရှိ လစဉ်သုံးပစ္စည်း အရေအတွက် ၁ ဒသမ ၂ သန်းကျော်ကို သိမ်းဆည်းရမိခဲ့ပါတယ်။ ပထမဂိုဒေါင်တွင် တရုတ်လူမျိုး အက်ဒမင်တစ်ဦးရဲ့ အမှာစာတွေအရ တရုတ်နိုင်ငံက ပို့လိုက်တဲ့ ပစ္စည်းတွေကို ထုပ်ပိုးပေးနေတဲ့ အသက် ၃၂ နှစ်အရွယ် အမျိုးသမီးတစ်ဦးကို တွေ့ရှိခဲ့ပါတယ်။ ဒုတိယဂိုဒေါင်ကို ထပ်မံစီးနင်းနိုင်ခဲ့ပြီး အသက် ၂၅ နှစ်အရွယ် အမျိုးသားတစ်ဦးနဲ့အတူ တရားမဝင်ပစ္စည်း အမြောက်အမြားကိုပါ ထပ်မံတွေ့ရှိခဲ့ပါတယ်။
