ဆာကာကို အာဆင်နယ် ၂၀၃၁ အထိ စာချုပ်သက်တမ်းတိုး၊ အသင်း၏ လစာအမြင့်ဆုံးကစားသမား ဖြစ်လာ

အာဆင်နယ်အသင်းသည် အသင်း၏အမာခံ အင်္ဂလန်တောင်ပံကစားသမား ဘူကာယိုဆာကာကို ၂၀၃၁ ခုနှစ်အထိ စာချုပ်သက်တမ်းတိုးလိုက်ပြီဖြစ်ကြောင်း အတည်ပြုခဲ့သည်။ အသက် ၂၄ နှစ်အရွယ်ရှိ ဆာကာသည် အာဆင်နယ်အကယ်ဒမီထွက် ကစားသမားဖြစ်ပြီး အသင်းအတွက် ၂၉၆ ပွဲကစားကာ ၇၇ ဂိုးအထိ သွင်းယူပေးထားသူဖြစ်သည်။ စာချုပ်သစ်အရ ဆာကာသည် ယခင်ရရှိခဲ့သော တစ်ပတ်လစာ ပေါင် ၁၉၅,၀၀၀ မှ ပေါင် ၃၀၀,၀၀၀ အထိ တိုးမြှင့်ရရှိမည်ဖြစ်ရာ အာဆင်နယ်အသင်းသမိုင်းတွင် လစာအများဆုံးရရှိသည့် ကစားသမားအဖြစ် မှတ်တမ်းဝင်သွားခဲ့သည်။ ဤသက်တမ်းတိုးမှုသည် အာဆင်နယ်အသင်းအတွက် ကစားသမားသစ်ခေါ်ယူခြင်းထက်ပင် ပိုမိုအရေးပါသည့် လုပ်ဆောင်ချက်အဖြစ် ဘောလုံးဝေဖန်ရေးသမားများက သုံးသပ်ထားကြပါသည်။