ရန်ကုန်မြို့တွင် တရုတ်နှစ်သစ်ကူး နှစ်ဆန်းတစ်ရက်နေ့ကို စည်ကားစွာကျင်းပ

၂၀၂၆ ခုနှစ်၊ ဖေဖော်ဝါရီ ၁၇ ရက်တွင် ကျရောက်သည့် တရုတ်နှစ်သစ်ကူး နှစ်ဆန်းတစ်ရက်နေ့တွင် ရန်ကုန်မြို့၌ တရုတ်ရိုးရာ ခြင်္သေ့နှင့် နဂါးအကများဖြင့် စည်ကားသိုက်မြိုက်စွာ ကျင်းပခဲ့ကြသည်။ လသာလမ်းရှိ ကွမ်ရင်ဗုဒ္ဓဘာသာဘုရားကျောင်းနှင့် စဉ့်အိုးတန်းလမ်းရှိ ခိန့်ဟုတ်ဗုဒ္ဓဘာသာဘုရားကျောင်းများတွင်လည်း အနယ်နယ်အရပ်ရပ်မှ လာရောက်ဝတ်ပြုဆုတောင်းသူများဖြင့် ပြည့်နှက်နေကြောင်း သိရှိရပါသည်။