ကုန်ဈေးနှုန်းနှင့် အိမ်ငှားခ မြင့်တက်မှုကြောင့် ချင်းမိုင်မြို့ခံများနှင့် ရွှေ့ပြောင်းလုပ်သားများ မြို့ပြင်သို့ တွန်းထုတ်ခံရနိုင်သည့် အန္တရာယ်ရှိနေ

ကမ္ဘာကျော်ခရီးသွားမြို့တော် ချင်းမိုင်တွင် ခရီးသွားလုပ်ငန်းနှင့် မြို့ပြဖွံ့ဖြိုးမှု မြန်ဆန်လာသော်လည်း တစ်ဖက်တွင် လူနေမှုစရိတ်နှင့် အိမ်ငှားခများမှာ ဒေသခံတို့၏ ဝင်ငွေထက် ပိုမိုမြင့်တက်လာနေခြင်းကြောင့် အခြေခံအလုပ်သမားများ၊ ကျောင်းသားများနှင့် မြန်မာရွှေ့ပြောင်းလုပ်သားများမှာ မြို့လယ်မှ မြို့စွန်သို့ ရွှေ့ပြောင်းနေထိုင်ရသည့် ဝန်ထုပ်ဝန်ပိုးများနှင့် ရင်ဆိုင်နေရကြောင်း၊ အထူးသဖြင့် တန်ဖိုးနည်းတိုက်ခန်းခများမှာ တစ်လလျှင် ဘတ် ၅၀၀ မှ ၁,၀၀၀ အထိ မြင့်တက်လာပြီး မီတာခများလည်း ပိုမိုပေးဆောင်နေရသဖြင့် အစိုးရအနေဖြင့် တတ်နိုင်သော အိမ်ရာစီမံကိန်းများနှင့် စျေးနှုန်းထိန်းချုပ်မှုများ အမြန်ဆုံး ဖော်ဆောင်ပေးရန် လိုအပ်နေပြီဖြစ်ကြောင်း ပညာရှင်များနှင့် ဒေသခံများက ထောက်ပြဝေဖန်နေကြသည်။