အမျိုးသမီးများနှင့် လိင်ကိစ္စများကို မျက်မှန်ကင်မရာဖြင့် ခိုးရိုက်၍ အွန်လိုင်းတွင် ရောင်းစားသူ ရုရှားဘလော့ဂါကို ဖမ်းဆီးပေးရန် ဂါနာတောင်းဆို

ဂါနာနိုင်ငံအတွင်း အမျိုးသမီးပေါင်း ၄၀ ခန့်ကို လှည့်ဖြားကာ လိင်မှုကိစ္စများကို မျက်မှန်ရှိ လျှို့ဝှက်ကင်မရာဖြင့် ခိုးယူရိုက်ကူးပြီး တယ်လီဂရမ်တွင် ပြန်လည်ရောင်းစားခဲ့သည့် ရုရှားဘလော့ဂါ ယွက်ဇ်ဆီစလပ်ဗ်ထရာဟော့ဗ် ကို ဖမ်းဆီးလွှဲအပ်ပေးရန် ဂါနာအစိုးရက ရုရှားအစိုးရထံ တောင်းဆိုလိုက်သည်။ အဆိုပါဘလော့ဂါသည် လမ်းပေါ်တွင် အမျိုးသမီးများကို ဟန်ဆောင်ချဉ်းကပ်ကာ ၎င်းတို့မသိဘဲ မှတ်တမ်းတင်ခဲ့ခြင်းဖြစ်ပြီး၊ လက်ရှိတွင် ၎င်းမှာ ဂါနာမှ ပြန်လည်ထွက်ခွာသွားပြီ ဖြစ်သော်လည်း သံတမန်ရေးနည်းလမ်းများဖြင့် ဖမ်းဆီးနိုင်ရန် ကြိုးပမ်းနေခြင်းဖြစ်သည်။ ဂါနာနည်းပညာဝန်ကြီး ဆမ်ဂျော့ချ်က ၎င်းအား ဂါနာဆိုက်ဘာလုံခြုံရေးဥပဒေအရ ထောင်ဒဏ် ၂၅ နှစ်အထိ ချမှတ်နိုင်ကြောင်းနှင့် တရားခံလွှဲအပ်နိုင်ရေးအတွက် ရုရှားသံရုံးနှင့် ညှိနှိုင်းဆောင်ရွက်နေကြောင်း သိရှိရပါသည်။