ဗီရိုနီကာနဲ့ပွဲအတွက် အဆင်သင့်ဖြစ်နေပြီလို့ ရှီရာကိုဟင် ဆို

ONE Friday Fights 143 ပြိုင်ပွဲတွင် မြန်မာ့ဂုဏ်ဆောင် ဗီရိုနီကာနှင့် ရင်ဆိုင်ရမည့် အစ္စရေးအမျိုးသမီးဖိုက်တာ ရှီရာကိုဟင် က ၎င်းအနေဖြင့် အဆိုပါပွဲအတွက် အပြည့်အဝအဆင်သင့်ဖြစ်နေပြီဟု လေ့ကျင့်ရေးဆင်းနေစဉ် ပြောကြားလိုက်သည်။ အသက် (၂၅) နှစ်အရွယ် ရှီရာကိုဟင်သည် ထိုင်းနိုင်ငံရှိ နာမည်ကျော် Fairtex လေ့ကျင့်ရေးစခန်းတွင် လေ့ကျင့်နေသူဖြစ်ပြီး ONE Championship ၌ ကစားခဲ့သည့် ၃ ပွဲစလုံးတွင် (၁ ပွဲ အလဲထိုး၊ ၂ ပွဲ အမှတ်ဖြင့်) အနိုင်ရရှိထားသည့် စံချိန်ကောင်းပိုင်ရှင်ဖြစ်သည်။