မုံရွာမြို့နယ် မီးသတ်တပ်ဖွဲ့ဝင်များ ကလျာနီသိမ်တော်နှင့် စေတီပုထိုးများအား ရေသပ္ပါယ်ကုသိုလ်ယူ

စစ်ကိုင်းတိုင်းဒေသကြီး၊ မုံရွာမြို့၊ အလယ်ရပ်ကွက်ရှိ ကလျာနီသိမ်တော်အပါအဝင် ဘုရား၊ စေတီများကို မုံရွာမြို့နယ်မီးသတ်တပ်ဖွဲ့နှင့် အရန်မီးသတ်တပ်ဖွဲ့ဝင်များက ဖေဖော်ဝါရီ ၁၆ ရက် နံနက်ပိုင်းတွင် စုပေါင်းရေသပ္ပါယ်ကုသိုလ်ယူခဲ့ကြသည်။ မုံရွာမြို့နယ်မီးသတ်ဦးစီးဌာနမှ တပ်ဖွဲ့ဝင်များနှင့်အတူ ရန်ကင်း၊ အောင်ချမ်းသာနှင့် သလ္လာရပ်ကွက်များမှ အရန်မီးသတ်တပ်ဖွဲ့ဝင်များ စုပေါင်း၍ ကလျာနီသိမ်တော်၊ ဘုရားနီမဟာစေတီတော်နှင့် အရပ်ရှစ်မျက်နှာဘုရားတို့အား သန့်ရှင်းရေးပြုလုပ်ကာ ရေသပ္ပါယ်လှူဒါန်းခဲ့ကြခြင်းဖြစ်ကြောင်း သိရှိရပါသည်။