မုံးကိုးခရိုင်၌ တိုင်းရင်းသားစည်းလုံးညီညွတ်ရေး မနောပွဲတော် ကျင်းပရန် ပြင်ဆင်လျက်ရှိ

အထူးဒေသ (၁)၊ မုံးကိုးခရိုင်တွင် ခရိုင်အုပ်ချုပ်ရေးကော်မတီမှ ကြီးမှူး၍ "တိုင်းရင်းသားစည်းလုံးညီညွတ်ရေး" ခေါင်းစဉ်ဖြင့် မနောပွဲတော်ကို မုံးကိုးမြို့၊ ရပ်ကွက် (၄) ရှိ ဘောလုံးကွင်း၌ စည်ကားသိုက်မြိုက်စွာ ကျင်းပရန် ပြင်ဆင်မှုများ ပြုလုပ်လျက်ရှိသည်။ အဆိုပါ ပွဲတော်ကို တိုင်းရင်းသားလူမျိုးပေါင်းစုံအကြား ယဉ်ကျေးမှုဖလှယ်ရန်၊ စည်းလုံးညီညွတ်မှုနှင့် အပြန်အလှန် ရိုင်းပင်းကူညီမှုကို မြှင့်တင်ရန်နှင့် လူမျိုးရေးတန်းတူညီမျှမှုကို ဖော်ဆောင်ရန် ရည်ရွယ်ကျင်းပခြင်းဖြစ်ပြီး လက်ရှိတွင် ပွဲကျင်းပမည့်ကွင်းအတွင်း လမ်းခင်းခြင်း၊ ရှေးဟောင်းမနောတိုင်ကို ပြုပြင်မွမ်းမံခြင်း၊ မနောအိမ်သစ် ဆောက်လုပ်ခြင်းနှင့် ဖျော်ဖြေရေးစင်မြင့်များ တပ်ဆင်ခြင်းလုပ်ငန်းများကို အပြီးသတ်ဆောင်ရွက်ထားပြီးဖြစ်ကြောင်း သိရှိရပါသည်။