အယ်လ်နီညိုဖြစ်စဉ်ကြောင့် ထိုင်းနိုင်ငံတွင် မတ်လမှ မေလအတွင်း အပူချိန် သိသိသာသာ မြင့်မားမည်

ထိုင်းနိုင်ငံ Kasetsart တက္ကသိုလ်မှ ပါမောက္ခ ဒေါက်တာ Witsanu Attavanich က ထိုင်းနိုင်ငံသည် လက်ရှိတွင် အယ်လ်နီညို (El Niño) ရာသီဥတုဖြစ်စဉ်၏ အလယ်အလတ်အဆင့်သို့ ရောက်ရှိနေပြီး ၂၀၂၆ ခုနှစ် မေလတွင် အပြည့်အဝ ဝင်ရောက်လာနိုင်ကြောင်း ဖေဖော်ဝါရီ ၁၆ ရက်တွင် သတိပေးလိုက်သည်။ အဆိုပါဖြစ်စဉ်ကြောင့် မတ်လမှ မေလအတွင်း တစ်နိုင်ငံလုံး၌ အပူချိန်များ ပုံမှန်ထက် မြင့်မားနေမည်ဖြစ်ပြီး အထူးသဖြင့် တောင်ပိုင်းနှင့် အရှေ့ပိုင်းဒေသများတွင် အပူလှိုင်းဖြတ်မည့်အန္တရာယ် ပိုမိုများပြားနေသည်။မိုးရွာသွန်းမှုအနေဖြင့် မေလမှ ဇူလိုင်လအတွင်း ဒေသအချို့တွင် မိုးခေါင်နိုင်သော်လည်း ဇွန်လမှ သြဂုတ်လအတွင်း အနောက်ပိုင်းနှင့် မြောက်ပိုင်းဒေသများ၌ မိုးပိုရွာနိုင်ကြောင်း ခန့်မှန်းထားသည်။