ထိုင်းနိုင်ငံ၊ ခွန်ကိန်းခရိုင်တွင် ရွှေဆိုင်တစ်ဆိုင် တစ်ကိုယ်တော် ဓားပြတိုက်ခံရ၊ ဘတ် ၂ သန်းဖိုးခန့် ပါသွား

ထိုင်းနိုင်ငံ၊ အရှေ့မြောက်ပိုင်း ခွန်ကိန်းခရိုင်၊ ဆွိုင်သောင်အရပ်ရှိ ရွှေဆိုင်တစ်ဆိုင်တွင် ဖေဖော်ဝါရီ ၁၅ ရက်က တစ်ကိုယ်တော် ဓားပြတိုက်မှုတစ်ခု ဖြစ်ပွားခဲ့သည်။ အဆိုပါ ဓားပြသည် ရွှေဆိုင်ဝန်ထမ်းများအား သေနတ်ဖြင့် ပစ်မည်ဟု ခြိမ်းခြောက်ကာ ပါလာသည့် သံတုတ်ဖြင့် မှန်များရိုက်ခွဲပြီး ရွှေအလေးချိန် ၂၆ ဘတ် (တန်ဖိုးအားဖြင့် ဘတ် ၂ သန်းဖိုးခန့်) ကို ယူဆောင်ကာ ထွက်ပြေးလွတ်မြောက်သွားကြောင်း CCTV မှတ်တမ်းများအရ သိရသည်။ လက်ရှိတွင် ရွှေစျေးနှုန်း အဆမတန် မြင့်တက်နေခြင်းကြောင့် ထိုင်းနိုင်ငံရှိ မြို့ကြီးများတွင် ရွှေဆိုင်ဓားပြတိုက်မှုများ ဆက်တိုက်ဖြစ်ပွားနေသဖြင့် ဆိုင်ရှင်များအနေဖြင့် လုံခြုံရေးအထူးသတိပြုရန် တာဝန်ရှိသူများက သတိပေးနှိုးဆော်ထားပါသည်။