ရန်ကုန်မြို့ စဉ့်အိုးတန်းလမ်း၌ တရုတ်နှစ်သစ်ကူးပွဲတော် အထိမ်းအမှတ် ခြင်္သေ့၊ နဂါးအက ပြိုင်ပွဲကို ၃ ရက်တိုင် ကျင်းပပြုလုပ်မည်ဖြစ်

၂၀၂၆ ခုနှစ် တရုတ်နှစ်သစ်ကူးပွဲတော် အထိမ်းအမှတ်အဖြစ် ခြင်္သေ့ တိုင်တက်အကနှင့် နဂါး အကပြိုင်ပွဲကို ရန်ကုန်မြို့၊ လသာမြို့နယ်ရှိ စဉ့်အိုးတန်းလမ်း၌ ဖေဖော်ဝါရီ ၁၈ ရက်နေ့မှ ၂၀ ရက်နေ့အထိ ၃ ရက်တိုင် ကျင်းပပြုလုပ်သွားမှာ ဖြစ်တယ်လို့ မြန်မာနိုင်ငံ ခြင်္သေ့၊ နဂါးအဖွဲ့ချုပ် ဥက္ကဋ္ဌ ထံမှ သိရပါတယ်။ယခု ၂၀၂၆ ခုနှစ်အတွက် ကျရောက်မည့် တရုတ်နှစ်သစ်ကူးနေ့မှာ ဖေဖော်ဝါရီ ၁၇ ရက်နေ့ဖြစ်ပြီး ဖေဖော်ဝါရီ ၁၆ ရက်နေ့ ည ၇ နာရီအချိန်မှာ တရုတ်လူမျိုးများရဲ့ နှစ်သစ်ကူးပွဲတော် ရိုးရာအစဉ်အလာအတိုင်း လူကြီး၊ မိဘ၊ ဘိုးဘွားများကို လှည့်လည် ကန်တော့ခြင်းနှင့် ဖေဖော်ဝါရီ ၁၇ ရက်နေ့ (တရုတ်နှစ်သစ်ကူးနေ့)မှာ တရုတ်ဘုရားကျောင်းများ၌ ဆုတောင်းကုသိုလ်ပြုတာတွေကို ဆောင်ရွက်သွားမှာဖြစ်တယ်လို့လည်း ၎င်းထံမှ သိရပါတယ်။