လာအိုနိုင်ငံ၊ ဆိုင်ယာဘူလီတွင် နှစ်စဉ်ကျင်းပမြဲဖြစ်သော ဆင်ပွဲတော် စတင်ဆင်နွှဲ

လာအိုနိုင်ငံ၊ ဆိုင်ယာဘူလီ ခရိုင်တွင် နှစ်စဉ်ကျင်းပမြဲဖြစ်သော ဆင်ပွဲတော် ကို စတင်ဆင်နွှဲနေပြီဖြစ်ကာ ဖေဖော်ဝါရီ ၁၄ ရက်တွင် ပြုလုပ်မည့် တရားဝင်ဖွင့်ပွဲ အခမ်းအနားနှင့် ဆင်အုပ်စုလိုက် လှည့်လည်အလှပြပွဲအတွက် ဒေသခံများက ကြိုတင်ပြင်ဆင် ဇာတ်တိုက်မှုများ ပြုလုပ်နေကြသည်။အဆိုပါ ပွဲတော်တွင် ဆင်အကောင်ရေ ဒါဇင်နှင့်ချီကာ ပါဝင်မည်ဖြစ်သလို ဒေသခံဖျော်ဖြေရေးအဖွဲ့များကလည်း ရိုးရာယဉ်ကျေးမှု ပြကွက်များဖြင့် ပါဝင်တင်ဆက်သွားမည်ဖြစ်သည်။ ခရိုင်အတွင်းရှိ ယဉ်ကျေးမှုအမွေအနှစ်များကို ထိန်းသိမ်းရန်နှင့် ခရီးသွားလုပ်ငန်း မြှင့်တင်ရန် ရည်ရွယ်ကျင်းပသည့် ဤပွဲတော်ကို ဖေဖော်ဝါရီ ၁၆ ရက်အထိ စည်ကားသိုက်မြိုက်စွာ ကျင်းပသွားမည်ဖြစ်ကြောင်း သိရသည်။