ကယားပြည်နယ်၊ လွိုင်ကော်မြို့နယ်ရှိ ရပ်ကွက်နှင့် ကျေးရွာများတွင် အခြေခံစာတတ်မြောက်ရေးလုပ်ငန်းကို စုရပ် ၁၅ နေရာ၌ စာသင်ဝိုင်း ၁၈ ဝိုင်းဖြင့် သင်ကြားပေးလျက်ရှိသည်။ အဆိုပါသင်တန်းများကို ပညာရေးဝန်ကြီးဌာန၊ ကျောင်းပြင်ပနှင့် တစ်သက်တာပညာရေးဦးစီးဌာနတို့၏ ပံ့ပိုးမှုဖြင့် ဖေဖော်ဝါရီ ၂ ရက်မှ မတ် ၁၃ ရက်အထိ ရက်ပေါင်း ၄၀ ကြာ သင်ကြားပေးသွားမည်ဖြစ်ပြီး လက်ရှိတွင် သင်တန်းသား၊ သင်တန်းသူ စုစုပေါင်း ၁၉၈ ဦး တက်ရောက်လျက်ရှိသည်။ ထို့ပြင် ပြည်နယ်ဝန်ကြီးချုပ်သည် လောဓမ္မ အထက်တန်းကျောင်းခွဲရှိ ၂၀၂၆ ခုနှစ် တက္ကသိုလ်ဝင်တန်း စခန်းသွင်းလေ့ကျင့်နေမှုများကိုလည်း ကြည့်ရှုစစ်ဆေးကာ ကျောင်းသား၊ ကျောင်းသူများအား အာဟာရဖြည့်စွက်စာများ ပေးအပ်ခဲ့ကြောင်း သိရှိရပါသည်။
