စင်ကာပူနိုင်ငံ၊ Bukit Batok တွင် အဖွားအိုတစ်ဦးကို တိုက်မိသေဆုံးစေခဲ့သည့် ယာဉ်မောင်းအား ထောင်ဒဏ် ၁၇ လ ချမှတ်

စင်ကာပူနိုင်ငံ၊ Bukit Batok တွင် ၂၀၂၄ ခုနှစ်အတွင်း အသက် ၇၆ နှစ်အရွယ် အဖွားအိုတစ်ဦးကို အရှိန်ပြင်းစွာ မောင်းနှင်တိုက်မိပြီး သေဆုံးစေခဲ့သည့် အသက် ၆၁ နှစ်အရွယ် ယာဉ်မောင်း Ang Kim Chuan ကို စင်ကာပူတရားရုံးက ဖေဖော်ဝါရီ ၁၄ ရက်တွင် ထောင်ဒဏ် ၁၇ လနှင့် ယာဉ်မောင်းနှင်ခွင့် ၈ နှစ် ပိတ်ပင်ရန် အမိန့်ချမှတ်လိုက်သည်။တရားရုံးစစ်ဆေးချက်အရ ၎င်းသည် သတ်မှတ်အရှိန် တစ်နာရီ ၅၀ ကီလိုမီတာရှိသော လမ်းပိုင်းတွင် ၈၀ ကီလိုမီတာကျော်အထိ အရှိန်ပြင်းစွာ မောင်းနှင်ခဲ့ပြီး၊ လမ်းဖြတ်ကူးနေသည့် အဖွားအိုကို မြင်သာထင်သာရှိသည့် အနေအထားတွင်ရှိသော်လည်း ဂရုမစိုက်မှုကြောင့် တိုက်မိခဲ့ခြင်းဖြစ်သည်။ အဆိုပါ တိုက်မိမှုကြောင့် အဖွားအိုမှာ ၁၀ မီတာကျော် လွင့်ထွက်သွားကာ အခင်းဖြစ်နေရာတွင်ပင် ကွယ်လွန်ခဲ့သည်။ ယာဉ်မောင်းအနေဖြင့် အပြစ်ရှိကြောင်း စောစီးစွာ ဝန်ခံခြင်း၊ ထွက်မပြေးဘဲ လူနာတင်ကား ခေါ်ပေးခြင်းနှင့် ပူးပေါင်းဆောင်ရွက်ခြင်းတို့ကြောင့် ပြစ်ဒဏ်လျှော့ပေါ့မှုကို ရရှိခဲ့ခြင်းဖြစ်သော်လည်း သတ်မှတ်အရှိန်ထက် ပိုမိုမောင်းနှင်မှုမှာ ကြီးလေးသော ပေါ့ဆမှုဖြစ်ကြောင်း တရားရုံးက ဆုံးဖြတ်ခဲ့ခြင်းဖြစ်သည်။