တရုတ်သမ္မတ ရှီကျင့်ဖိန်က မြင်းနှစ်ကို ကြိုဆိုသောအားဖြင့် တရုတ်နှစ်သစ်ကူး နှုတ်ခွန်းဆက်စကား ပြောကြား

တရုတ်နိုင်ငံသမ္မတ ရှီကျင့်ဖိန်က မြင်းနှစ်ဖြစ်သည့် တရုတ်နှစ်သစ်ကို ကြိုဆိုသောအားဖြင့် နှစ်သစ်ကူး နွေဦးပွဲတော် နှုတ်ခွန်းဆက်စကားကို မြို့တော်ပေကျင်း၌ ဖေဖော်ဝါရီ ၁၄ ရက်က ကျင်းပသည့် ဧည့်ခံပွဲတစ်ခုတွင် ပြောကြားခဲ့သည်။ပြည်သူ့ခန်းမဆောင်တွင် ပြုလုပ်သည့် အဆိုပါဧည့်ခံပွဲ၌ တရုတ်ကွန်မြူနစ်ပါတီ ဗဟိုကော်မတီ အထွေထွေအတွင်းရေးမှူးချုပ်နှင့် ဗဟိုစစ်ကော်မရှင် ဥက္ကဋ္ဌလည်းဖြစ်သူ ရှီက ပြည်တွင်းပြည်ပရှိ တရုတ်နိုင်ငံသားအားလုံးထံသို့ ပါတီဗဟိုကော်မတီနှင့် နိုင်ငံတော်ကောင်စီတို့ကိုယ်စား နှစ်သစ်ကူးနှုတ်ခွန်းဆက်စကား ပြောကြားခဲ့ခြင်းဖြစ်သည်။အဆုံးသတ်တော့မည့် မြွေနှစ်အား ထူးခြားသောနှစ်အဖြစ် ဖော်ပြရာတွင် ရှီက ၎င်းမြွေနှစ်အတွင်း တရုတ်နိုင်ငံအနေဖြင့် အခက်အခဲများနှင့်ရင်ဆိုင်ကျော်လွှားခဲ့ရာ ပြည်တွင်းပြည်ပတွင် ရှုပ်ထွေး၍ မတည်ငြိမ်သောပတ်ဝန်းကျင်ကို ရင်ဆိုင်ရာ၌ တိုးတက်မှုအသစ်များ ရရှိခဲ့ပြီး တရုတ်နိုင်ငံ၏ စီးပွားရေးအင်အား၊ သိပ္ပံနှင့် နည်းပညာစွမ်းရည်များ၊ အမျိုးသားကာကွယ်ရေးစွမ်းရည်များနှင့် ဘက်စုံနိုင်ငံ့အင်အားတို့ကို အဆင့်သစ်များသို့ မြှင့်တင်ပေးခဲ့ကြောင်း ပြောကြားခဲ့သည်။