ကယားပြည်နယ်၊ဒီး‌‌မော့ဆိုအနောက်ခြမ်းမှာ လမ်းမပေါ် မောင်းနှင်လာတဲ့ ကားတစီးက လမ်းဘေးအိမ်ကို ဝင်တိုက်မိပြီး ထွက်ပြေးသွား

ကယား(ကရင်နီ)ပြည်၊ ဒီးမော့ဆိုမြို့နယ် အနောက်ဖက်ခြမ်း တနေရာက လမ်းမဘေး‌မှာရှိတဲ့နေအိမ်တအိမ်ကို ဖိုးဝီးကားတစ်စီးက ယမန်နေ့ည (၉)နာရီဝန်းကျင်မှာ ဝင်တိုက်ခဲ့တယ်လို့ ဒေသခံတွေက ပြောပါတယ်။"ည(၉)နာရီကို အမတို့ကြားလိုက်တာ ဒီ(၁၁)မိုင်ကုန်းကနေ အပေါ်ကုန်းကနေ ကားလီဘာ တော်တော်ကြီးနင်းလာတာ အဲ့ကတည်းက သူ့ဟာမှောက်တော့မယ်ဆိုတဲ့အသံမျိုးပေါ့ အဲ့လိုဖြစ်တယ်။ အမအမျိုးသားကပြောတယ် သွားပြီ သွားပြီတဲ့ အဲ့ဒါမှောက်တော့မှာလို့ပြောတယ်။အဲ့လိုပြောတာသိပ်မကြာဘူး ဒီမှာလာပြီး ကြုံးတာပဲ။" လို့ လမ်းမဘေး အနီးနားအိမ်မှာ နေထိုင်သူတဦးက ပြောပါတယ်။ဖိုးဝီးကား အဖြူရောင်ဖြစ်ပြီး ကားဘီးချော်ကာ အရှိန်မထိန်းနိုင်ဘဲ ကားအနောက်ဖက်ကနေ ဝင်တိုက်သွားတယ်လို့ သူကဆက်ပြောပါတယ်။ ကားတိုက်ခံရတာကြောင့် အိမ်အရှေ့ခြမ်းဘက်မှာ ပျက်စီးခဲ့ပါတယ်။အဆိုပါ ကားက နေအိမ်ကို တိုက်မိပြီး ‌ထွက်ပြေးသွားတာကြောင့် တာ၀န်ယူမှု မရှိဘဲ စည်းကမ်းမဲ့ မောင်းနှင်တာဖြစ်တယ်လို့ ဒေသခံတွေက ပြောဆိုကြပါတယ်။