ထိုင်း၌ ဘတ် ၇၄ ဘီလျံတန် တံတားကြီး တည်ဆောက်ပြီး ကော့စမွေကို တိုက်ရိုက်ချိတ်ဆက်မည်ဖြစ်

ထိုင်းနိုင်ငံ Expressway ဌာနက တာဝန်ရှိသူတွေဦးဆောင်ပြီး ကော့စမွေနဲ့ ဒေသတွင်းကို ချိတ်ဆက်မယ့် တံတားကြီး တည်ဆောက်မယ့် အစီအစဥ်ကို ချပြလိုက်ပါပြီ။ ဘတ် ၇၄ ဘီလျံ တန်ကြေးရှိမှာဖြစ်ပြီး စုစုပေါင်း တံတားအရှည်က ၂၂ ကီလိုမီတာ (လမ်းကြောင်းအရှည်က ၃၇.၄၁ ကီလိုမီတာ) ရှိမှာပါ။ ဒီလမ်းက လေးလမ်းသွားဖြစ်မှာဖြစ်ပြီး Highway 4142 Don Sak ခရိုင်ကနေ ၊ နခွန်စီသမတ်ရတ်က Khanom ကို ဖြတ်ပြီး Highway 4170 ကော့စမွေ့ကို ဖြတ်သန်းမှာပါ။ သူ့ရဲ့ တံတားကြီးက အမြင့် ၅၀ မီတာရှိမှာဖြစ်ပြီး သင်္ဘောကြီးတွေ အေးဆေးဖြတ်သန်းနိုင်မှာဖြစ်ပါတယ်။အရင်ကဆို စမွေကို ကုန်းတွင်းကနေ ဇက်၊ လှေတွေနဲ့ ၂ နာရီ သွားရတဲ့ခရီးကို မိနစ် ၂၀ နဲ့ သွားနိုင်အောင်လုပ်နိုင်မှာဖြစ်ပြီး ၂၄ နာရီ စိတ်ကြိုက်သွားနိုင်အောင် စီစဥ်ပေးမှာပါ။ သူတို့ လေ့လာမှူအရ ဒီတံတားကြီးသာ ပြီးသွားမယ်ဆို ဘတ် ၁၀၀၀-၁၂၀၀ ပေးပြီး ဖြတ်မယ့်သူတွေလည်းရှိတယ်လို့ သိထားလို့ ဝင်ငွေအရလည်း တွက်ခြေကိုက်နေပါတယ်။ ဒီတံတားမှာ မီးလိုင်း၊ ရေလိုင်းနဲ့ ဖုန်းလိုင်းတွေပါ ချိတ်ဆက်ထားမှာဖြစ်ပြီး စမွေအတွက်လည်း အားသာချက်ရှိမှာဖြစ်ပါတယ်။