မဲဆောက်မှာ ခွေးရူးပြန်ရောဂါဖြစ်ပွားနေတာကြောင့် တချို့ရပ်ကွက်တွေမှာ ယာယီရောဂါဇုန် အဖြစ်သတ်မှတ်

ထိုင်းနိုင်ငံ၊ စိုက်ပျိုးရေးနှင့် သမဝါယမဝန်ကြီးဌာန (Ministry of Agriculture and Cooperatives) အောက်မှာရှိတဲ့ မွေးမြူရေးနှင့် ကုသရေးဦးစီးဌာန (Department of Livestock Development - DLD) က တိရစ္ဆာန်ကူးစက်ရောဂါ အက်ဥပဒေ ၂၅၅၈ အရ ထုတ်ပြန်တာ ဖြစ်ပါတယ်။၂၀၂၆ ခုနှစ်၊ ဖေဖော်ဝါရီလ ၁၃ ရက်နေ့မှ မတ်လ ၁၄ ရက်နေ့အထိ ၁ လကြာ ယာယီရောဂါဇုန်အဖြစ် သတ်မှတ်လိုက်တာပါ။ယာယီရောဂါဇုန် အဖြစ် သတ်မှတ်လိုက်တဲ့ နယ်မြေတွေကတော့ မဲပရပ်ကွက်၊ အုပ်စု (၁)၊ ဒွန်ချိုင်းရပ်ကွက်နှင့် ရူမ်ရဲန်းရပ်ကွက်၊ ဘန်နူရာဆာမတ်ခီးရပ်ကွက်၊ မဏီဖရိုင်စွန်ရပ်ကွက်နှင့် ကျောက်ကျော ဆာမတ်ခီးရပ်ကွက် တို့ဖြစ်ပါတယ်။အဆိုပါ ညွှန်ကြားချက်တွေကို လိုက်နာခြင်းမရှိဘဲ ဖောက်ဖျက်ပါက ထောင်ဒဏ် ၁ နှစ်အထိ ဖြစ်စေ ဒဏ်ငွေ ဘတ် ၂၀,၀၀၀ ထက်မပိုတဲ့ ငွေဒဏ် ဖြစ်စေ၊ (သို့မဟုတ်) ပြစ်ဒဏ် ၂ ရပ်လုံးကို ဖြစ်စေ အရေးယူခံရမယ်လို့ ထုတ်ပြန်ထားပါတယ်။ယာယီရောဂါဇုန်အဖြစ် သတ်မှတ်ထားတဲ့ နယ်မြေအနီးနားမှာ နေထိုင်သူတွေအနေနဲ့ မိမိရဲ့ အိမ်မွေးတိရစ္ဆာန်တွေကို အိမ်ထဲမှာပဲ ဂရုစိုက်ထားဖို့နဲ့ အပြင်ခွေးတွေနဲ့ မထိတွေ့အောင် သတိထားဖို့ အကြံပြုထားပါတယ်။