ဟောင်ကောင်က အထပ်မြင့်အိမ်ရာတစ်ခုတွင် ဖြစ်ပွားခဲ့သည့် မီးလောင်မှုနှင့်ပတ်သက်၍ တာဝန်ယူမှု၊ တာဝန်ခံမှုရှိစေရေး တောင်းဆိုခဲ့သည့် တက္ကသိုလ်ကျောင်းသားတစ်ဦးအား တက္ကသိုလ်အာဏာပိုင်များက ကျောင်းထုတ်လိုက်သည်။ နိုင်ငံရေးသိပ္ပံကျောင်းသား Miles Kwan သည် ယမန်နှစ် နိုဝင်ဘာလတွင် လူပေါင်း ၁၆၈ ဦး သေဆုံးခဲ့ရသည့် မီးလောင်မှု ဖြစ်စဉ်ကို လွတ်လပ်သော စုံစမ်းစစ်ဆေးရေးအဖွဲ့ဖြင့် စစ်ဆေးရန် လက်ကမ်းစာစောင်များ ဖြန့်ဝေတောင်းဆိုခဲ့သည်။ ဆူပူအုံကြွစေရန် ရည်ရွယ်ချက်ရှိမှုဖြင့် လုပ်ဆောင်ခဲ့သည်ဆိုပြီး Miles Kwan ကို ဟောင်ကောင်အမျိုးသား လုံခြုံရေး ရဲတပ်ဖွဲ့က နှစ်ညတာ ဖမ်းဆီးထိန်းသိမ်းခဲ့သည်။
