ပွင့်လင်းခရီးသွားရာသီ အစ၌ပင် ပုသိမ်မြို့တွင်းသို့ ဘုရား ဖူး၊ ခရီးသွားဧည့်သည်များ လာရောက်လည်ပတ်မှုမှာ အရင်နှစ်များထက် သိသိသာသာ တိုးတက်မြင့်မားလာကြောင်းသိရသည်။အရင်က ငွေဆောင်၊ ချောင်းသာသွားတယ်ဆို ကြိုးတံတား ဟောင်းကနေ မြို့ရှောင်လမ်းအတိုင်းသွားကြတော့ ပုသိမ်မြို့ထဲဝင်ပြီး လည်တာပတ်တာ နည်းကြတယ်။ အခုက ပုသိမ်မြို့တွင်းမှာရှိတဲ့ တံတားသစ်ကနေ သွားကြတော့ မြို့ထဲဝင်လည်၊ ဘုရားဖူး၊ စျေးဝယ်တွေလုပ်ကြတယ်"လို့ ပုသိမ်မြို့ရှိ ရွှေမုဌော ဘုရားတန်ဆောင်း စျေးဆိုင်ပိုင်ရှင်တစ်ဦးက ဆိုသည်။ပုသိမ်မြို့တွင်းတံတားသစ်ကြီးမှာ တန်ခိုးကြီးရွှေမောဌော စေတီတော်မြတ်ကြီးနှင့် ဒေသထွက်ကုန်စည်တွေရောင်းချရာ မြို့မစျေးကြီးအနီးတွင် တည်ရှိနေခြင်းကြောင့် ခရီးသွားများ မြို့တွင်းလည်ပတ်မှု ယခင်ထက် ပိုများလာခြင်းဖြစ်သည်။
