စစ်ကိုင်းတိုင်း ချောင်းဦးမြို့ရှိ ယာယီနေရပ်စွန့်ခွာလာသူများအား ထောက်ပံ့ငွေ ကျပ်သိန်း ၂၇၀ ကျော် ပေးအပ်

စစ်ကိုင်းတိုင်းဒေသကြီး၊ ချောင်းဦးမြို့တွင် ယာယီနေရပ်စွန့်ခွာလာရသည့် မိသားစုများနှင့် ကျန်းမာရေးဝန်ထမ်းများအား ဖေဖော်ဝါရီ ၁၂ ရက် နံနက်ပိုင်းက အနော်ရထာခန်းမ၌ ထောက်ပံ့ငွေများ ပေးအပ်ခဲ့သည်။ထောက်ပံ့မှုတွင် ကံကြီးကုန်း၊ ကင်မွန်းတော်နှင့် ကံဇီးကျေးရွာတို့မှ ပြည်သူများအပြင် ပင်လယ်ဘူးမြို့နယ်မှ ကျန်းမာရေးဝန်ထမ်းများလည်း ပါဝင်သည်။ စုစုပေါင်း အိမ်ထောင်စု (၁၁၂) စုမှ လူဦးရေ (၄၅၂) ဦးအတွက် တစ်ဦးလျှင် ၃ လစာ ကျပ် (၆၀၀၀၀) နှုန်းဖြင့် စုစုပေါင်း ငွေကျပ်သိန်း ၂၇၀ ကျော် ကို ထောက်ပံ့ပေးအပ်ခဲ့ခြင်းဖြစ်သည်။မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ တာဝန်ရှိသူများက နေရပ်စွန့်ခွာလာသူများနှင့် တွေ့ဆုံကာ ၎င်းတို့၏ နေထိုင်စားသောက်ရေးနှင့် လုံခြုံရေးဆိုင်ရာ လိုအပ်ချက်များကို မေးမြန်းဖြည့်ဆည်းပေးခဲ့ကြောင်း သိရှိရပါသည်။