ရွေးကောက်ပွဲတွင် မဲပေးသူ ၁၃ သန်းကျော်ရှိပြီး ကန့်ကွက်လိုပါက သတ်မှတ်ရက်အတွင်း တင်သွင်းနိုင်ကြောင်း UEC အသိပေး

၂၀၂၅ ဒီဇင်ဘာမှ ၂၀၂၆ ဇန်နဝါရီအထိ အပိုင်းသုံးပိုင်းခွဲ၍ ကျင်းပခဲ့သည့် ရွေးကောက်ပွဲတွင် မဲပေးပိုင်ခွင့်ရှိသူ ၂၄ သန်းကျော်အနက် ၅၄ ဒသမ ၂၂ ရာခိုင်နှုန်း (၁၃ ဒသမ ၁၄ သန်းကျော်) လာရောက်မဲပေးခဲ့ကြောင်း ပြည်ထောင်စုရွေးကောက်ပွဲကော်မရှင် (UEC) ဥက္ကဋ္ဌ ဦးသန်းစိုးက ယနေ့ (ဖေဖော်ဝါရီ ၁၃ ရက်) တွင် ပြောကြားခဲ့သည်။ ရွေးကောက်ပွဲရလဒ်များကို PR နှင့် FPTP စနစ်များအလိုက် ပွင့်လင်းမြင်သာစွာ ထုတ်ပြန်ထားပြီးဖြစ်ရာ မိမိတို့ပါတီ သို့မဟုတ် ကိုယ်စားလှယ်လောင်းများ နစ်နာမှုရှိသည်ဟု ယူဆပါက သတ်မှတ်ထားသည့် ကာလအတွင်း ဥပဒေနှင့်အညီ ကန့်ကွက်လွှာများ တင်သွင်းနိုင်ကြောင်း နိုင်ငံရေးပါတီများနှင့် တွေ့ဆုံပွဲ၌ တိုက်တွန်းပြောဆိုခဲ့သည်။