မြန်မာနိုင်ငံဘတ်စကတ်ဘောအဖွဲ့ချုပ်က ကြီးမှူး၍ တရုတ်နှစ်သစ်ကူးအထိမ်းအမှတ် မိတ်ဆုံညစာစားပွဲ ကျင်းပ

မြန်မာနိုင်ငံဘတ်စကတ်ဘောအဖွဲ့ချုပ်သည် ၂၀၂၆ ခုနှစ် တရုတ်နှစ်သစ်ကူးပွဲတော်အထိမ်းအမှတ် အမျိုးသား၊ အမျိုးသမီး ဘတ်စကတ်ဘောပြိုင်ပွဲဝင် ကစားသမားများနှင့် နည်းပြများအတွက် မိတ်ဆုံညစာစားပွဲကို ရန်ကုန်မြို့ Western Park Royal ၌ ကျင်းပခဲ့သည်။ အဆိုပါပြိုင်ပွဲကို ကျိုက္ကဆံအားကစားရုံ၌ ဖေဖော်ဝါရီ ၅ ရက်မှ ၁၄ ရက်အထိ ကျင်းပနေခြင်းဖြစ်ပြီး၊ ကစားသမားအချင်းချင်း စည်းလုံးညီညွတ်မှုရှိစေရန်နှင့် အားကစားကဏ္ဍ ပိုမိုပြန့်ပွားစေရန် ရည်ရွယ်ကျင်းပခြင်းဖြစ်သည်။ လက်ရှိတွင် 3x3 ပြိုင်ပွဲများအတွက် ဆုချီးမြှင့်မှုများ ဆောင်ရွက်ခဲ့ပြီးဖြစ်ကာ၊ ဖေဖော်ဝါရီ ၁၄ ရက်တွင် ၅x၅ အလွတ်တန်း ဗိုလ်လုပွဲများကို ဆက်လက်ယှဉ်ပြိုင်ကစားပြီး ဆုများချီးမြှင့်သွားမည်ဖြစ်ကြောင်း သိရှိရပါသည်။