တရုတ်ရိုးရာနှစ်သစ်ကူးပွဲတော်တွင် မြန်မာ့ရိုးရာလက်မှုပညာနှင့် လက်ဖက်ရည်ဖြင့် ခင်းကျင်းပြသဧည့်ခံ

ယူနန်ပြည်နယ်အစိုးရ နိုင်ငံခြားရေးရုံး၌ ကျင်းပပြုလုပ်သည့် တရုတ်ရိုးရာနှစ်သစ်ကူးပွဲတော်တွင် မြန်မာ့ရိုးရာယဉ်ကျေးမှုနှင့် လက်မှုအနုပညာပစ္စည်းများကို ထည့်သွင်းပြသခဲ့သည်။ ကူမင်းမြို့အခြေစိုက် မြန်မာကောင်စစ်ဝန်ချုပ်ရုံးက ဦးဆောင်၍ မြန်မာ့ယဉ်ကျေးမှုပြခန်းကို ဖွင့်လှစ်ခဲ့ခြင်းဖြစ်ပြီး၊ လာရောက်လည်ပတ်သူများကို မြန်မာ့ရိုးရာလက်ဖက်ရည်ဖြင့် တည်ခင်းဧည့်ခံခဲ့သည်။ ဤသို့ နိုင်ငံတကာယဉ်ကျေးမှုပြခန်းများ ထည့်သွင်းပြသခြင်းသည် ယူနန်ပြည်နယ်နှင့် ကောင်စစ်ဝန်ချုပ်ရုံးများအကြား ချစ်ကြည်ရေးတိုးမြှင့်ရန်နှင့် ပြည်သူအချင်းချင်း ယဉ်ကျေးမှုဖလှယ်နိုင်ရန် ရည်ရွယ်ခြင်းဖြစ်ကြောင်း သိရှိရပါသည်။