မြဝတီဝန်းကျင်ရှိ အွန်လိုင်းလိမ်လည်မှုလုပ်ငန်းများနှင့် ဆက်စပ်သူ ပြည်ပနိုင်ငံသား ၂၂ ဦး ထပ်မံဖမ်းဆီးရမိ

နိုင်ငံတော်အစိုးရသည် ကရင်ပြည်နယ်၊ မြဝတီမြို့ဝန်းကျင်ရှိ အွန်လိုင်းလိမ်လည်မှု (Cyber Crime) လုပ်ငန်းများတွင် ပါဝင်ပတ်သက်နေသည့် ပြည်ပနိုင်ငံသား ၂၂ ဦးကို တရားမဝင်လမ်းကြောင်းများမှတစ်ဆင့် ဝင်ရောက်လာစဉ် ထပ်မံဖော်ထုတ်ထိန်းသိမ်းနိုင်ခဲ့သည်။ ဖမ်းဆီးရမိသူများတွင် တရုတ်နိုင်ငံသား ၁၅ ဦး၊ ဘူရွန်ဒီနိုင်ငံသား ၂ ဦး၊ အိန္ဒိယနိုင်ငံသား ၂ ဦးနှင့် ရဝမ်ဒါ၊ ဘင်္ဂလားဒေ့ရှ်၊ ယူဂန္ဓာနိုင်ငံသား တစ်ဦးစီ ပါဝင်ပြီး၊ ၎င်းတို့ကို သက်ဆိုင်ရာနိုင်ငံများသို့ ပြန်လည်လွှဲပြောင်းပေးနိုင်ရန်အတွက် ဌာနဆိုင်ရာပူးပေါင်းအဖွဲ့များက ကိုယ်ရေးအချက်အလက်စာရင်းများ ကောက်ယူလျက်ရှိကြောင်း သိရှိရပါသည်။