ရန်ကုန်အပါအဝင် တိုင်းနှင့်ပြည်နယ် ၉ ခုတွင် ပျမ်းမျှအပူချိန်ထက် ပိုနိုင်ကြောင်း မိုးဇလထုတ်ပြန်

မိုးလေဝသနှင့်ဇလဗေဒညွှန်ကြားမှုဦးစီးဌာန၏ ထုတ်ပြန်ချက်အရ ဖေဖော်ဝါရီ ၁၁ ရက်မှ ၂၀ ရက်အတွင်း ရန်ကုန်၊ နေပြည်တော်၊ ပဲခူး၊ မကွေး၊ စစ်ကိုင်း (အောက်ပိုင်း)၊ ဧရာဝတီ၊ ကရင်၊ မွန်နှင့် ရခိုင် တို့တွင် ဖေဖော်ဝါရီလ၏ ပျမ်းမျှအပူချိန်ထက် 1.5 ဒီဂရီဆဲလ်စီးယပ်ခန့် ပိုမိုမြင့်တက်နိုင်ပါသည်။ ကျန်တိုင်းနှင့် ပြည်နယ်များတွင်မူ ပုံမှန်အတိုင်းသာ ရှိနိုင်သော်လည်း ဒေသအများအပြားတွင် ရက်ရှည်မြူထူများ ဆိုင်းနိုင်ကြောင်း သိရသည်။ မြူထူဆိုင်းသည့်အခါ လေထုညစ်ညမ်းမှုကြောင့် အသက်ရှူလမ်းကြောင်းဆိုင်ရာနှင့် နှလုံးသွေးကြောဆိုင်ရာ ကျန်းမာရေးပြဿနာများ ဖြစ်ပွားနိုင်သဖြင့် ဂရုပြုနေထိုင်ကြရန် ဆရာဝန်များက အကြံပြုထားပါသည်။