ခန္တီးခရိုင် ပြည်သူ့ဆေးရုံကြီးအား ကျပ်သန်း ၅၀ အသုံးပြု၍ ပြုပြင်မွမ်းမံလျက်ရှိ

စစ်ကိုင်းတိုင်းဒေသကြီး၊ ခန္တီးမြို့ရှိ ခန္တီးခရိုင်ပြည်သူ့ဆေးရုံအား ၂၀၂၅-၂၀၂၆ ဘဏ္ဍာရေးနှစ် ပြည်ထောင်စုရန်ပုံငွေ ကျပ်သန်း (၅၀) အသုံးပြုကာ ဆေးရုံဥပဓိရုပ်ကောင်းမွန်လာစေရန်အတွက် ပြုပြင်မွမ်းမံလျက်ရှိသည်။ အဆိုပါမွမ်းမံခြင်းလုပ်ငန်းတွင် ဆေးရုံဝင်းခြံစည်းရိုးနှင့် အဆောက်အဦးအတွင်း၊ အပြင် ဆေးသုတ်ခြင်းလုပ်ငန်းများကို "ဆွေသားရင်း" ကုမ္ပဏီက တာဝန်ယူဆောင်ရွက်နေခြင်းဖြစ်ပြီး၊ ဖေဖော်ဝါရီ ၁၀ ရက်နေ့ နံနက်ပိုင်းကလည်း ခန္တီးမြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးဝင်းသန်းထိုက်နှင့် အဖွဲ့ဝင်များက လုပ်ငန်းခွင်သို့ သွားရောက်ကြည့်ရှုစစ်ဆေးကာ လိုအပ်သည်များကို လမ်းညွှန်မှာကြားခဲ့ကြောင်း သိရှိရပါသည်။