တရုတ်နိုင်ငံသည် လူလိုက်ပါစီးနင်းနိုင်သည့်အာကာသယာဉ်၏ ပြန်လည်ဆင်းသက်ရေးယာဉ်ကို ပင်လယ်ပြင်၌ ရှာဖွေဆယ်ယူခြင်း လုပ်ငန်းကို ဗုဒ္ဓဟူးနေ့တွင် ပထမဆုံးအကြိမ်အဖြစ် အောင်မြင်စွာ ဆောင်ရွက်နိုင်ခဲ့ကြောင်း တရုတ်နိုင်ငံအာကာသအေဂျင်စီက ပြောကြားခဲ့သည်။ တရုတ်နိုင်ငံ၏ မျိုးဆက်သစ် လူလိုက်ပါစီးနင်းနိုင်သော အာကာသယာဉ်ဖြစ်သည့် မန်ကျိုး (အိပ်မက်ယာဉ်) သည် အမြင့်ဆုံးလေထုဖိအားအတွင်း၌ ပြန်လည်ဆင်းသက်ခြင်းဆိုင်ရာ စမ်းသပ်မှု ကို အောင်မြင်စွာ ဆောင်ရွက်နိုင်ခဲ့ပြီး ပင်လယ်ပြင်သို့ ဘေးကင်းစွာ ဆင်းသက်နိုင်ခဲ့သည်။ ဤစမ်းသပ်မှုကို လွန်းမတ်ချ်-၁၀ သယ်ဆောင်ရေးဒုံးပျံ၏ အနိမ့်ပိုင်းပျံသန်းမှုဆိုင်ရာ သရုပ်ပြစမ်းသပ်မှုအတွင်း ဆောင်ရွက်ခဲ့ခြင်းဖြစ်သည်။
