၂၀၂၆ ခုနှစ်၊ ဖေဖော်ဝါရီလ ၁၁ ရက်နေ့၊ Mothership သတင်းဌာနမှ ဖော်ပြချက်အရ စင်ကာပူနိုင်ငံသား ၂၅နှစ်အရွယ် အမျိုးသားတစ်ဦး ဟာ လူငယ်အရွယ်ဟန်ဆောင်၍ အသက် ၁၃ နှစ်အရွယ် မိန်းကလေးတစ်ဦးကို တရားမဝင် လိင်ဆက်ဆံခဲ့မှုအတွက် ထောင်ဒဏ် ၁၁ နှစ်နဲ့ ကြိမ်ဒဏ် ၁၀ ချက် ပြစ်ဒဏ်ချမှတ်ခံလိုက်ရပါတယ်။ အမှုဖြစ်ပွားချိန်က ၂၀၂၃ ခုနှစ် ဩဂုတ်လကနေ ၂၀၂၄ ခုနှစ် စက်တင်ဘာလအတွင်းဖြစ်ပြီး သူဟာ Telegram မှတစ်ဆင့် အသက်ငယ်ရွယ်တဲ့ မိန်းကလေးတွေကို ရည်ရွယ်ချက်ရှိရှိ ချိတ်ဆက်ခဲ့တာဖြစ်ပါတယ်။ ၂၀၂၄ ခုနှစ် ဖေဖော်ဝါရီ မှာ အသက် ၁၂ နှစ်အရွယ် မိန်းကလေးရဲ့ဖုန်းကို သူ့ရဲ့အတန်းပိုင်ဆရာမက ရုတ်တရက်စစ်ဆေးမိရာကနေ အဲဒီအမျိုးသားရဲ့ မလျော်ကန်တဲ့မက်ဆေ့ချ်တွေကို တွေ့ရှိခဲ့ပြီး ရဲကိုသတင်းပို့ခဲ့တာဖြစ်ပါတယ်။ အမှုစစ်ဆေးရာမှာ အမျိုးသားဟာ အဓမ္မကျင့်ခြင်းနှစ်ချက်၊ ကလေးသူငယ်ကို လိင်ပိုင်းဆိုင်ရာဖျားယောင်းခြင်းတစ်ချက်နဲ့ ကလေးသူငယ်နဲ့ လိင်ဆက်ဆံခြင်းတစ်ချက် စတဲ့စွဲချက် ၄ ချက်ကို အပြစ်ရှိကြောင်းဝန်ခံခဲ့ပြီး အခြားစွဲချက် ၁၄ ချက်ကိုလည်း ထည့်သွင်းစဉ်းစားခံခဲ့ရပါတယ်။
