အမျိုးသားဘောလုံးအကယ်ဒမီ (ရန်ကုန်) ၂၀၂၅-၂၀၂၆ ပညာသင်နှစ် သင်တန်းဆင်းပွဲ ကျင်းပ

မြန်မာနိုင်ငံဘောလုံးအဖွဲ့ချုပ် (MFF) လက်အောက်ရှိ အမျိုးသားဘောလုံးအကယ်ဒမီ (ရန်ကုန်) ၏ ၂၀၂၅-၂၀၂၆ ပညာသင်နှစ် သင်တန်းဆင်းလက်မှတ်ပေးအပ်ပွဲကို ယနေ့ ဖေဖော်ဝါရီ ၁၀ ရက် မွန်းလွဲပိုင်းတွင် ကျင်းပခဲ့သည်။ အဆိုပါပညာသင်နှစ်တွင် ကျောင်းသားစုစုပေါင်း ၈၉ ဦး တက်ရောက်ခဲ့ပြီး သင်တန်းကာလ ပြီးဆုံးသည့် ကျောင်းသား ၈ ဦးအား သင်တန်းဆင်းလက်မှတ်များ ပေးအပ်ချီးမြှင့်ခဲ့သည်။ အခမ်းအနားတွင် တာဝန်ရှိသူများက သင်တန်းဆင်းကျောင်းသားများအား ထူးချွန်သော ပရော်ဖက်ရှင်နယ်ကစားသမားများဖြစ်လာစေရန် တိုက်တွန်းပြောကြားခဲ့ပြီး၊ ဤသင်တန်းသည် မြန်မာ့ဘောလုံးလောကအတွက် မျိုးဆက်သစ်လူငယ်များ၏ အရည်အသွေးနှင့် စိတ်ဓာတ်ပိုင်း မြှင့်တင်ပေးရန် ရည်ရွယ်ခြင်းဖြစ်ကြောင်း သိရှိရပါသည်။