သထုံမြို့၌ Walk for Peace အဖွဲ့နှင့်အတူ Online မှ ချိတ်ဆက်၍ ကမ္ဘာ့ငြိမ်းချမ်းရေး မေတ္တာပို့သပွဲ ကျင်းပမည်

မွန်ပြည်နယ်၊ သထုံမြို့နယ်ရှိ မြို့သူမြို့သားများသည် ကမ္ဘာ့ငြိမ်းချမ်းရေး လမ်းလျှောက်အဖွဲ့ (Walk for Peace) နှင့် Online မှတစ်ဆင့် ချိတ်ဆက်၍ သထုံရွှေစာရံစေတီတော်မြတ်ကြီး၌ အသံမစဲမေတ္တာပို့သပွဲကို လာမည့် ဖေဖော်ဝါရီ ၁၂ ရက် (တပို့တွဲလဆုတ် ၁၁ ရက်) နံနက် ၄ နာရီမှ ၇ နာရီအထိ ကျင်းပသွားမည်ဖြစ်သည်။ မြို့နယ်သံဃနာယကအဖွဲ့ ဆရာတော်ကြီးများ၏ ဦးဆောင်မှုဖြင့် ပြုလုပ်မည့် အဆိုပါအခမ်းအနားတွင် ပါဝင်လိုသည့် ဝတ်ရွတ်အဖွဲ့များနှင့် ပြည်သူများအနေဖြင့် ဖေဖော်ဝါရီ ၁၁ ရက် ညနေ ၄ နာရီနောက်ဆုံးထား၍ သတ်မှတ်ထားသော ဆက်သွယ်ရေးဖုန်းနံပါတ်များသို့ စာရင်းပေးသွင်းနိုင်ကြောင်းနှင့် တက်ရောက်သူများအနေဖြင့် သတ်မှတ်ထားသော အဖြူရောင်နှင့် ယောဂီရောင် ဝတ်စုံများ ဝတ်ဆင်လာရမည်ဖြစ်ကြောင်း သိရှိရပါသည်။