စင်ကာပူနိုင်ငံ ၂၀၂၅ ခုနှစ် ကမ္ဘာ့အဂတိလိုက်စားမှုအကင်းဆုံးနိုင်ငံများစာရင်းတွင် အဆင့် ၃ ချိတ်မှတ်

၂၀၂၆ ခုနှစ် ဖေဖော်ဝါရီ ၁၀ ရက်နေ့ Mothership သတင်းဌာန၏ ဖော်ပြချက်အရ ၂၀၂၅ ခုနှစ်အတွက် အဂတိလိုက်စားမှု သိမြင်မှုအညွှန်းကိန်း (TI-CPI) တွင် စင်ကာပူနိုင်ငံသည် တစ်ကမ္ဘာလုံးရှိ နိုင်ငံပေါင်း ၁၈၂ နိုင်ငံအနက် တတိယမြောက် အဂတိလိုက်စားမှုအနည်းဆုံးနိုင်ငံအဖြစ် သတ်မှတ်ခံရပြီး အာရှ-ပစိဖိတ်ဒေသတွင် အဆင့် (၁) နေရာ၌ ဆက်လက်ရပ်တည်နေကြောင်း သိရသည်။ စင်ကာပူနိုင်ငံ၏ အဂတိလိုက်စားမှု စုံစမ်းစစ်ဆေးရေးဗျူရို (CPIB) က ယခုကဲ့သို့ ထိပ်တန်းအဆင့်တွင် အစဉ်တစိုက် ရပ်တည်နိုင်ခြင်းမှာ ခိုင်မာသောဥပဒေများ၊ ထိရောက်သော အရေးယူဆောင်ရွက်မှုများနှင့် အဂတိလိုက်စားမှုကို လုံးဝသည်းခံခွင့်မပြုသည့် (Zero-tolerance stance) မူဝါဒကို တင်းကျပ်စွာ ကျင့်သုံးနေခြင်းကြောင့် ဖြစ်ကြောင်း ထုတ်ဖော်ပြောကြားခဲ့ပြီး၊ ဤသန့်ရှင်းသော အုပ်ချုပ်ရေးစနစ်သည် နိုင်ငံတကာရင်းနှီးမြှုပ်နှံသူများအတွက် ယုံကြည်မှုတိုးစေသည့် အဓိကသော့ချက်လည်း ဖြစ်ပါသည်။