ဘန်ကောက် Chatuchak Weekend Market မှာ ဈေးဆိုင် ၂၈ ဆိုင်မီးလောင်ပျက်စီး

၂၀၂၆ ခုနှစ် ဖေဖော်ဝါရီလ ၉ ရက်နေ့ ည ၁၁ နာရီ ၁၅ မိနစ်အချိန်က Kamphaeng Phet 2 လမ်းပေါ်မှာရှိတဲ့ Chatuchak Weekend Market (Gate 1) အတွင်းက ဆိုင်ခန်းတစ်ခုမှာ မီးလောင်မှု ဖြစ်ပွားခဲ့တယ်လို့ တာဝန်ရှိသူတွေက သတင်းရရှိခဲ့ပါတယ်။မီးသတ်တပ်ဖွဲ့ဝင်တွေက အခင်းဖြစ်ပွားရာနေရာကို သွားရောက်ငြှိမ်းသတ်ခဲ့ကြပြီး မီးဟာ ဆက်စပ်နေတဲ့ ဆိုင်ခန်းတွေဆီ ကူးစက်လောင်ကျွမ်းခဲ့တာကြောင့် မီးညွန့်ကျိုးသွားဖို့အတွက် ရေပက်ဖျန်းပြီး မိနစ် ၄၀ ကြာ ငြှိမ်းသတ်ခဲ့ရပါတယ်။စစ်ဆေးချက်တွေအရ မီးဟာ အဝတ်အထည်ဆိုင်ကနေ စတင်လောင်ကျွမ်းခဲ့တာဖြစ်ပြီး ကပ်လျက်ဆိုင်ခန်းတွေကိုပါ လျင်မြန်စွာ ကူးစက်သွားခဲ့တာကြောင့် စုစုပေါင်း ဆိုင်ခန်း ၂၈ ခန်း မီးလောင်ပျက်စီးခဲ့တယ်လို့ သိရပါတယ်။ဒီမီးလောင်မှုမှာ ထိခိုက်ဒဏ်ရာရသူနဲ့ ‌ သေဆုံးသူ မရှိခဲ့ပါဘူး။ လက်ရှိမှာတော့ မီးလောင်မှု ဖြစ်ပွားရတဲ့ အကြောင်းရင်းကို စစ်ဆေးဖို့အတွက် အဲဒီနေရာကို ပိတ်ထားပြီး မှုခင်းဆေးစစ်အရာရှိတွေက ဆက်လက်စစ်ဆေးမှုတွေ ပြုလုပ်နေပါတယ်။