ဘတ် ၆၃ သန်းကျော်တန်ဖိုးရှိ အတုအပလူသုံးကုန်ပစ္စည်းများကို ထိုင်းအာဏာပိုင်များ ဖမ်းဆီးရမိ

ထိုင်းနိုင်ငံ၊ စမွတ်ဆာခွန်ခရိုင်ရှိ ဂိုဒေါင်တစ်ခုကို အာဏာပိုင်များက ဝင်ရောက်စီးနင်းခဲ့ရာ ဘတ် ၆၃ ဒသမ ၂ သန်းကျော် တန်ဖိုးရှိသည့် တရားမဝင်အတုအပ ကုန်ပစ္စည်းပေါင်း ၂ သိန်း ၂ သောင်းကျော်ကို ဖမ်းဆီးရမိခဲ့သည်။ ဖမ်းဆီးရမိသည့် ပစ္စည်းများတွင် နာမည်ကြီးတံဆိပ်များကို အတုပြုလုပ်ထားသည့် ခေါင်းလျှော်ရည်၊ အလှကုန်နှင့် ဆိုင်ကယ်ပစ္စည်းများအထိ ပါဝင်ပြီး ၎င်းတို့မှာ FDA ထောက်ခံချက်မရှိသည့်အပြင် ကျန်းမာရေးကို ထိခိုက်စေနိုင်သော အန္တရာယ်ရှိ ဓာတုပစ္စည်းများ ပါဝင်နိုင်ကြောင်း DIP က သတိပေးထားသည်။ စားသုံးသူများအနေဖြင့် ဈေးနှုန်းသက်သာလွန်းသည့် အွန်လိုင်းပစ္စည်းများကို သတိထားဝယ်ယူရန်နှင့် အတုအပများတွေ့ရှိပါက ဟော့လိုင်း ၁၃၆၈ သို့ တိုင်ကြားနိုင်ကြောင်း အာဏာပိုင်များက တိုက်တွန်းထားပါသည်။