လာမည့် ၂၀၂၆ ခုနှစ်၊ ဇူလိုင်လ JLPT စာမေးပွဲမှစတင်၍ ယခင်ကပေးခဲ့သည့် ၁၀ မိနစ်နောက်ကျခွင့်ကို ဖျက်သိမ်းလိုက်ပြီး သတ်မှတ်ထားသော Check-in Time (N1, N2 အတွက် ၈:၀၀-၈:၄၅ နာရီ နှင့် N3, N4, N5 အတွက် ၁၀:၀၀-၁၀:၄၅ နာရီ) အတွင်း ရောက်ရှိခြင်းမရှိပါက စာမေးပွဲခန်းထဲသို့ လုံးဝဝင်ခွင့်ပြုတော့မည်မဟုတ်ကြောင်း မြန်မာနိုင်ငံဂျပန်ပြန်ပညာသင်ဟောင်းအသင်း (MAJA) က အသိပေးထုတ်ပြန်ထားသည်။ ထို့အပြင် နားချိန်အပါအဝင် စာမေးပွဲဖြေဆိုချိန်အတွင်း အီလက်ထရွန်နစ်ကိရိယာများ အသုံးပြုခြင်းကို တင်းကျပ်စွာတားမြစ်ထားပြီး၊ စာမေးပွဲမသမာမှုပြုလုပ်ဖူးသူများကိုလည်း ဖြေဆိုခွင့်ပယ်ဖျက်မည်ဖြစ်ရာ စာဖြေသူများအနေဖြင့် စည်းကမ်းချက်အသစ်များကို အထူးဂရုပြုရန် လိုအပ်ကြောင်း သိရှိရပါသည်။
