မြန်မာနိုင်ငံ တရုတ်မျိုးနွယ်စုများ၏ ၂၀၂၆ ခုနှစ် ရိုးရာနှစ်သစ်ကူး ကြိုဆိုပွဲ အခမ်းအနား ရန်ကုန်၌ ကျင်းပ

မြန်မာနိုင်ငံရှိ တရုတ်မျိုးနွယ်စု အသင်းအဖွဲ့ ၁၄ သင်း စုပေါင်း၍ ၂၀၂၆ ခုနှစ်၊ တရုတ်ရိုးရာနှစ်သစ်ကူး ကြိုဆိုဂုဏ်ပြုပွဲ အခမ်းအနားကို ဖေဖော်ဝါရီ ၈ ရက်က ရန်ကုန်မြို့ Pan Pacific Hotel ၌ ကျင်းပခဲ့သည်။ အခမ်းအနားတွင် ပွဲဖြစ်မြောက်ရေးကော်မတီဥက္ကဋ္ဌ ဦးမောင်မောင်၊ တရုတ်သံရုံး သံမှူးကြီး Mr. Jia Junjie နှင့် တရုတ်-မြန်မာချစ်ကြည်ရေးအသင်း (ဗဟို) ဥက္ကဋ္ဌ ဦးတင်ဦးတို့က နှစ်နိုင်ငံချစ်ကြည်ရေး အဓွန့်ရှည်စေရန်နှင့် တရုတ်မျိုးနွယ်စုများ ကဏ္ဍစုံအောင်မြင်ပါစေကြောင်း ဆုတောင်းစကားများ ပြောကြားခဲ့ကြသည်။ မြန်မာနိုင်ငံအတွက် ကောင်းချီးမင်္ဂလာများ ရရှိစေရန် ရည်ရွယ်ကျင်းပသည့် အဆိုပါပွဲတွင် တရုတ်မျိုးနွယ်စု အသင်းအဖွဲ့များက ရိုးရာအကအလှများဖြင့် စည်ကားသိုက်မြိုက်စွာ ဖျော်ဖြေတင်ဆက်ခဲ့ကြကြောင်း သိရှိရပါသည်။