ချန်ပီယံပြေးလမ်းတွင် အပြောင်းအလဲများရှိနိုင်သဖြင့် အာဆင်နယ်ကို ဂွါဒီယိုလာ သတိပေး

မန်စီးတီးနည်းပြ ဂွါဒီယိုလာက လီဗာပူးလ်အား (၂-၁) ဂိုးဖြင့် အနိုင်ရပြီးနောက် ထိပ်ဆုံးက အာဆင်နယ်နှင့် (၆) မှတ်အကွာသို့ ရောက်ရှိလာခဲ့ရာ ကျန်ရှိနေသည့် ပွဲစဉ် (၁၃) ပွဲအတွင်း ရလဒ်များစွာ ပြောင်းလဲနိုင်သေးကြောင်း ပြိုင်ဘက်အသင်းကို သတိပေးပြောကြားလိုက်သည်။ လက်ရှိတွင် ဖလားပွဲစဉ်များနှင့် ချန်ပီယံလိဂ်ပွဲများ ပြန်လည်စတင်တော့မည်ဖြစ်၍ ကစားသမားဒဏ်ရာပြဿနာများနှင့် အခြားစိန်ခေါ်မှုများ ရှိလာနိုင်ကြောင်း၊ ထို့ကြောင့် အာဆင်နယ်အသင်း အမှားလုပ်မိစေရန် ဖိအားပေးသွားမည်ဖြစ်ပြီး လာမည့် ဧပြီလတွင် ယှဉ်ပြိုင်ရမည့် ထိပ်တိုက်တွေ့ဆုံမှုမှာလည်း ချန်ပီယံဆုအတွက် အဆုံးအဖြတ်ဖြစ်လာနိုင်ကြောင်း ၎င်းက သုံးသပ်ပြောကြားခဲ့ခြင်းဖြစ်ပါသည်။