တာချီလိတ်မြို့နယ်မှ ထူးချွန်ဆုရရှိသူ (၁၆) ဦးအား တာဝန်ရှိသူများနှင့် ဒေသခံပြည်သူများက လှိုက်လှဲစွာ ကြိုဆိုဂုဏ်ပြု

တောင်ကြီးမြို့၌ ကျင်းပခဲ့သည့် (၇၉) နှစ်မြောက် ရှမ်းပြည်နယ်နေ့ အခမ်းအနားတွင် ရှမ်းပြည်နယ်အစိုးရအဖွဲ့က ပေးအပ်ချီးမြှင့်သော သာသနာဆိုင်ရာနှင့် လူမှုရေးဆိုင်ရာ ထူးချွန်ဆုများကို တာချီလိတ်မြို့နယ်ကိုယ်စားပြု လူပုဂ္ဂိုလ်နှင့် အဖွဲ့အစည်း စုစုပေါင်း (၁၆) ဦး ဆွတ်ခူးရရှိခဲ့ပြီး၊ ၎င်းတို့အား ဖေဖော်ဝါရီ ၈ ရက် ညနေပိုင်းတွင် တာချီလိတ်လေဆိပ်၌ ခရိုင်/မြို့နယ် စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဋ္ဌများနှင့် ဒေသခံပြည်သူများက ပန်းစည်းများဖြင့် သောင်းသောင်းဖျဖျ ကြိုဆိုဂုဏ်ပြုခဲ့ကြသည်။ အဆိုပါ ထူးချွန်ဆုရရှိသူများသည် ၂၀၂၅ ခုနှစ်အတွင်း မန္တလေးငလျင်နှင့် ရေကြီးရေလျှံမှု ဘေးဒဏ်သင့်ဒေသများတွင် ကယ်ဆယ်ရေးနှင့် ပြန်လည်ထူထောင်ရေးလုပ်ငန်းများ၌ တက်ကြွစွာ ပါဝင်ကူညီခဲ့ခြင်း၊ ဘာသာသာသနာ ထွန်းကားပြန့်ပွားရေးနှင့် ဒေသဖွံ့ဖြိုးရေးလုပ်ငန်းများတွင် အင်တိုက်အားတိုက် လှူဒါန်းဆောင်ရွက်ခဲ့ခြင်းတို့ကြောင့် ယခုကဲ့သို့ ဂုဏ်ထူးဆောင်ဆုများ ချီးမြှင့်ခြင်းခံရခြင်းဖြစ်ကြောင်း သိရှိရပါသည်။